Aizawl 9th June, 2024 (Sun): Nimin khan Mizo National Youth Front Hqrs (MNYF) Aizawl hruaitute chuan Durtlang leh Sihphir inkar kawng MNF hunlai atanga tihzauh hnathawh chu tuna a thlen chin a hmunah kalin an en a. He Project hi Central Road Infrastructure Fund Rs 4657 lakh hmuh hmanga siam niin km 10.25km a thui a ni a, he kawngpui bik hi Rs 3553 lakh hmanga siam a ni.

MNYF chuan, "He kawngpui hi awitlana awm niin a zim avangin lirtheiin inpelh a hlauhawm a, harsatna an tawk nasa thin. Kawng hi BRO enkawl a ni a, he lai bialtu MLA nithin leh CM hlui  Zoramthanga’n nasa taka hma alakna azarah Ministry of Defence in NOC an pe a, tihian kawngpui zim tak chu alo zau ta a ni. A zau zawng hi metre 8 a ni ang a, motor chil tur chin hi metre 6 a ni ang. Kawngpui tha anih theihnana tul hrang hrang Retaining Walls, Hume pipes, RCC Slap culverts, Pucca side drains etc pawh a tulna laiah siam vek a ni," an ti.

MNYF te chuan hetianga kawngpui lian tha kham kara MNF sorkar Pu Zoramthanga kaihhruaiin alo ruahman hi ropui kan ti a, Mizoram dung leh vanga kawngpui lian leh tha tam tak siam zawh a ni tawh leh siam mek zel tam tak la awm hi MNF sorkar nachang hriat vang a ni tih kan hriaa kan lawm hle a ni an ti. Tunah hian 40% zawh tawh, an ti bawk.

Nimin vek khan Sorkar hmasaa Dy CM Tawnluia hmalaknaa Smart City sum hmanga siam Chite Veng Football Ground pawh MNF thalaite hian an tlawh bawk a. MNYF chuan, "Chite Veng Field hi a tihzauhnan RCC a a field dung tluan dawhzawm niin facilities kentel tam tak a nei a, Rs 840 lakh senna project ah hian phullem phah niin cafetaria tepawh siam tel a ni. Tun April 2024 khan zawhfel a ni tawh a, nasa taka field tihzauh anih avang leh phullem phah anih avangin Chite Veng mipuite an lawm hle a ni, tih atakin kan hmu," an ti.

MNF thalaite chuan, "Sorkar hmasa hmasawnna hnathawhte enzui zel kan tum a, chubakah Sorkar thar hmalakna tepawh a hmuna kalin kan vil reng dawn a ni," tiin thuchhuah an siam.